Apne sampoorn saundarya ke sath aaya rituraz hai
Surya ki kirnon me bhi mridulta ka vaas hai
Vijay ki dudunbhi,chahun or hai baz rahi
Samast srishti harsh se aahladit ho rahi
Matayein pulkit ho rahin, ramniyon ne kiya singar
Athkheliyan kar rahin pawan,chha raha hai nabh pe raas
Vatavaran gunjit ho raha swtantrata ke gaan se
Bhumi gadgad ho rahi veeron ke balidaan se
Sainya-bal ke har yoddha ka, ho chukka hai aagman
Aapki anupasthiti se, vismit hain mere nayan
Kisi anisht ki aashanka se, man karta inkar hai
Hain beet chuke kai diwas kintu ab bhi intzaar hai
Nain banzar ho chale, ashru barf se jam gaye
Mujhe is dasha me chhod ke, kis lok me aap rah gaye
Ab sahan hota nahi, samaye ka ye kutharaghat
Hota pratit mujhko ye, mrityu hai ab apariharya
Lekar darshnon ki abhilasha, kar rahi hun main prayan
Prarthna hai ye meri, sada mile aapke hridya me sthan
Aapka astitva mere pranon ka aadhar hai
Paun har jeewan me ye charan raz, yahi prem pukar hai……
Surya ki kirnon me bhi mridulta ka vaas hai
Vijay ki dudunbhi,chahun or hai baz rahi
Samast srishti harsh se aahladit ho rahi
Matayein pulkit ho rahin, ramniyon ne kiya singar
Athkheliyan kar rahin pawan,chha raha hai nabh pe raas
Vatavaran gunjit ho raha swtantrata ke gaan se
Bhumi gadgad ho rahi veeron ke balidaan se
Sainya-bal ke har yoddha ka, ho chukka hai aagman
Aapki anupasthiti se, vismit hain mere nayan
Kisi anisht ki aashanka se, man karta inkar hai
Hain beet chuke kai diwas kintu ab bhi intzaar hai
Nain banzar ho chale, ashru barf se jam gaye
Mujhe is dasha me chhod ke, kis lok me aap rah gaye
Ab sahan hota nahi, samaye ka ye kutharaghat
Hota pratit mujhko ye, mrityu hai ab apariharya
Lekar darshnon ki abhilasha, kar rahi hun main prayan
Prarthna hai ye meri, sada mile aapke hridya me sthan
Aapka astitva mere pranon ka aadhar hai
Paun har jeewan me ye charan raz, yahi prem pukar hai……
-rimjhim
No comments:
Post a Comment