Dedicated to Akshaya sir.....
Ashrudhara se meri aapka abhishek hai
Aapke har ek vachan pe aaz mujhko garv hai
Komal hridya ki vedna hai ashruon me bah rahi
Aapke prasthan se, main hun vichlit ho rahi
Aap hain aaradhya mere, aapse astitva mera
Kintu aashankaon se man hai bhaybhit ho raha
Gunj raha hai har disha me aapka hi sinhnaad
Shatru se hai bhay nahi, kahin mitr na den chhod sath
Veeron ki bhanti hum sada hi, sar uthakar hain jiye
Aapke is shorye ne anginat ripu hain khade kiye
Gyat hai mujhe, aapko meri vyatha ka bhan hai
Har swas me aapke priye, bas mera hi naam hai
Ja rahe hain aap to, laut ke aana jarur
Aatur rahenge ye nayan, prateeksha ke liye pushp
Dayitva aur kartvya ke prati aapka jo moh hai
Mujhko nahi tanik bhi is baat par kshobh hai
Dhanya hai ye matribhumi, jisne diye hain aise veer
Aur dhanya hai mera jeevan, paakar aapka saanidhya
Mere ye ashru hain, meri preet aur bhay ka praman
Aapki kartvyanishtha ko mera shat shat pranam
Prem hai “akshya” jagat me, prem se sansar hai
Vijayi hon har run me aap, bas yahi prem pukar hai.
-Rimjhim
No comments:
Post a Comment